Ödəniş sistemləri
“Apple” cihazlara sahib “Bank of Baku” kartlarının istifadəçiləri indi “Apple Pay” xidmətindən rahatlıqla istifadə edə bilərlər. “Apple Pay” vasitəsilə təmassız ödənişləri daha sürətli və etibarlı şəkildə etmək mümkündür.
“Apple Pay” NƏDİR?
Bu xidmət “iPhone”, “Apple Watch”, “Mac” və “iPad” kimi ağıllı cihazlarda istifadə üçün nəzərdə tutulan yeni nəsil ödəniş üsuludur. “Apple Pay” təmassız ödənişin mümkün olduğu hər yerdə ödəmələri qısa zamanda və təhlükəsiz şəkildə etməyə imkan verir.
“Apple Pay”i NECƏ AKTİVLƏŞDİRƏ BİLƏRƏM?
“Apple Pay” xidmətini Dostbank, eləcə də “Apple Wallet” tətbiqi ilə aktivləşdirə bilərsiniz.
DOSTBANK tətbiqinə daxil olaraq “Apple Wallet”ə əlavə etmək istədiyiniz kartı seçin, kartın aşağısındakı “Apple Wallet” düyməsinə keçid edin. Addımları tamamladıqdan sonra nömrənizə gələn birdəfəlik OTP şifrəsini daxil edərək xidməti aktivləşdirin.
“iPhone” smartfonunda isə “Apple Wallet” tətbiqində “+” düyməsini seçib, kartınızın üzərindəki məlumatları buraya əlavə edə bilərsiniz. Nömrənizə gələn birdəfəlik OTP şifrəsini də daxil edin.
“Apple Watch” cihazınızdakı “Apple Watch” tətbiqində “Wallet”ə daxil olaraq “Add Card” seçin. Əlavə etmək istədiyiniz kartın üzərindəki məlumatları, daha sonra nömrənizə gələn birdəfəlik OTP şifrəsini daxil edərək “Apple Pay”i aktivləşdirin.
“Apple Pay” ilə NECƏ ÖDƏNİŞ ETMƏK OLAR?
“iPhone” smartfonunuzda üz tanıma (Face ID) ilə ödənişdə cihazın yan (kilid) düyməsini 2 dəfə sıxıb, identifikasiya üçün telefonunuza baxın, daha sonra telefonu terminala yaxınlaşdırın.
Barmaq izi (Touch ID) ilə ödənişdə “iPhone”u POS-terminala yaxınlaşdıraraq barmağınızı “Touch ID”yə toxundurun.
“Apple Watch” cihazında isə yan düyməni 2 dəfə sıxıb, saatın ekranını terminala yaxınlaşdırmaq ödənişi həyata keçirmək üçün kifayət edəcək.
Onlayn ödəniş üçün sifariş zamanı “Apple Pay”i seçin, üz tanıma və ya barmaq izini istifadə edərək ödənişi tamamlayın.