Coinstar korporasiyası 100 ildən artıq tarixə malik olsa da, təcili pul köçürmələri sahəsinin kifayət qədər «cavan» iştirakçılarından biridir. Hazırda Coinstar Group dünyanın 4 qitəsinin 80-dən artıq ölkəsində ən məşhur aeroport, dəniz limanları, dəmiryol vağzalları, turizm və biznes mərkəzlərində, mərkəzi küçələrdə məntəqələrə malikdir.

Coinstar sistemi üzrə təcili pul köçürmələri xidmətindən şirkətin öz xidmət məntəqələri ilə yanaşı, partnyor—banklar, o cümlədən «Bank of Baku» vasitəsilə də faydalanmaq olar.

Bu sistemin ən üstün cəhətləri:
• geniş nümayəndəlik şəbəkəsi
• tarif siyasətində rəqabətli üstünlüyün olması
• yüksək təhlükəsizlik sisteminin tətbiqi

Sistemin daha bir özünəməxsus cəhəti isə informasiya mübadiləsinin birbaşa İnternet texnologiyaları vasitəsilə həyata keçirilməsidir. Bu isə pul köçürmələrinin operativliyi və təhlükəsizliyini daha da yüksəldir.

Coinstar pul köçürmə sistemi üzrə Azərbaycandan edilən pul köçürmələrinə görə tutulan komissiyalar (USD ilə)
Məbləğ	Komissiya
100.00 və daha az	4.00
100.01 - 200.00	6.00
200.01 - 300.00	10.00
300.01 - 400.00	14.00
400.01 - 500.00	18.00
500.01 - 750.00	25.00
750.01 – 1250.00	30.00
1250.01 - 1750.00	40.00
1750.01 - 2250.00	55.00
2250.01 - 2750.00	75.00
2750.00 – 3000.00	85.00
3000.01 – Limit	95.00
Qeyd: Birdəfəyə göndərilə bilən maksimum məbləğ hazırda 5 000 USD təşkil edir

Əlavə xidmətlər:

1. Mesaj - pulsuz (istənilən sayda)
2. Ödənişin edilməsi barədə məlumatlandırma - pulsuz (istənilən sayda)

Pulun köçürülməsi və alınması qaydaları
Pul köçürmək üçün nə etmək lazımdır?	1. Bankın Filial və ya nümayəndəliyinə gəlmək; 2. Pul köçürülməsi formasını doldurmaq; 3. Həmin formanı və şəxsiyyət vəsiqəsini Bankın əməkdaşına təqdim etmək; 4. Bankın əməkdaşından müvafiq sənədləri aldıqdan sonra köçürüləcək məbləği kassaya ödəmək
Pulu almaq üçün nə etmək lazımdır?	1. Bankın Filial və ya nümayəndəliyinə gəlmək; 2. Pulun alınması formasını doldurmaq, orada pul göndərənin adını, göndərilən məbləği, pulun haradan göndərildiyi və ən əsası – köçürmə nömrəsini qeyd etmək; 3. Həmin formanı və şəxsiyyət vəsiqəsini Bankın əməkdaşına təqdim etmək; 4. Bankın əməkdaşından müvafiq sənədləri aldıqdan sonra kassadan həmin vəsaiti almaq;

Mühüm qeydlər!

1. Hər hansı xidmətdən istifadə etmək istədikdə, bu xidmətin qəbul edənin yerləşdiyi ölkədə mümkünlüyünü Bankın əməkdaşından soruşmaq lazımdır.
2. Pulun alınması və pulun göndərilməsi üçün formaları çap hərfləri ilə doldurun.
3. Pulun alınması zamanı müştəridən heç bir komissiya tutulmur. Pulun köçürülməsi isə Coinstar sisteminin beynəlxalq pul köçürmələri tariflərinə əsasən aparılır.
4. Pulun köçürülməsi və alınması Azərbaycan Respublikasının müvafiq Qanunvericiliyi ilə tənzimlənir.
5. Coinstar sistemi vasitəsilə köçürmələr Bankın bütün filial və nümayəndəliklərində həyata keçirilir.