“AMERİCAN EXPRESS” Yol çekləri

Bütün dünyada nağd pul vəsaitlərinin analoqu kimi geniş istifadə olunan “Amex” çeklərinin üstünlükləri çoxdur. Hazırda bütün dünya üzrə bu çeklər nağd pul vəsaitləri ilə bərabər səviyyədə yüz minlərlə restoran, mehmanxana, avtomobil kirayəsi, xidmət məntəqələri, həmçinin mağaza və supermarketlərdə ödəniş vasitələri kimi qəbul olunur. Bununla yanaşı, xüsusilə qərb ölkələri və Rusiyada ”Amex” çekləri insanların evində nağd pulların “yerini tədricən tutmaqdadır” və bu tendensiya getdikcə daha geniş miqyas alır.

Yol çeklərinin nağd pul vəsaitləri ilə müqayisədə bütün dünya üzrə qəbul olunan əsas üstünlüyü onların təhlükəsizliyidir. Nağd pulların saxlanması və istifadəsi zamanı rast olunan itirilmə, yanma və oğurlanma hallarının qarşısının alınması üçün “Amex” çeklərinin çevikliyi və rahatlığı ondadır ki, çekləri bu xoşagəlməz hallar nəticəsində itirdikdə belə, cəmi 1 zəng vasitəsilə 24 saat ərzində həmin pulları tam və itkisiz bərpa etmək mümkündür.

Çeklərdən istifadə sxemi çox rahatdır. Çeki nağd və qeyri-nağd formada ABŞ dolları və avroda ala bilərsiniz. Çekin həqiqiliyi onun üzərindəki 2 imzanın yoxlanması yolu ilə aparılır. Müştəri tərəfindən bu imzalardan biri çekin alındığı anda, digəri isə çekin ödəniş üçün təqdim edildiyi anda qoyulur. Əgər imzalar kifayət qədər oxşardırlarsa, çekin ödənişinə zəmanət verilir.

Yol çekləri ilə digər ödəniş vasitələri, xüsusilə plastik kartların fərqləri çox zaman sual doğurur. Aşağıda çeklərin plastik kartlarla müqayisədə əsas müqayisəli üstünlükləri sıralanmışdır:

• çekləri əldə etmək çox rahatdır. Bunun üçün sadəcə şəxsiyyət vəsiqəsi və sahibinin imzası kifayət edir. Çekləri əldə etmək üçün bank hesabı açmağa ehtiyac yoxdur;
• çeklərdən istifadə etmək çox rahatdır. Bunun üçün sahibinin sadəcə bir imzası kifayət edir. Həmçinin çeklər öz forma və mahiyyətinə görə texnolojitutumlu olmadığı üçün onların istifadəsi zamanı hər hansı texniki problemlə qarşılaşmaq halı istisna olunur;
• çeklər müddətsiz olur;
• çeklər xidmət haqqı və digər məsrəflərinə görə çox sərfəlidir. Çeklərin alınması və sonradan nağdlaşdırılması zamanı sahibinin çəkəcəyi xərc çekin nominal dəyərinin 2-2,5 %-dən artıq olmur. Hətta bir sıra ölkələrdə fəaliyyət göstərən Amex-in məntəqələri və partnyor maliyyə qurumlarında Amex çeklərinin nağdlaşdırılması zamanı heç bir komissiya tutulmur;
• çeklərin itirilməsi zamanı əlavə cərimələr tutulmur. Bundan əlavə hər hansı səbəbdən itirilmiş çeklərin bərpası yalnız çekin alındığı maliyyə qurumunda deyil, bütün dünya üzrə Amex-in məntəqələrində çox qısa müddətdə aparıla bilər.