Hazırda ipoteka kreditlərinin verilməsi dayandırılmışdır

“Bank of Baku” ASC Azərbaycan İpoteka Fondunun tərəfdaş-banklarından biri kimi əhaliyə ipoteka kreditlərini təqdim edir.

1. kreditin maksimal müddəti – 25 il müəyyən edilmişdir;
2. kreditin maksimal məbləği – 50,000 manat müəyyən edilmişdir;
3. kredit üzrə maksimal faiz dərəcəsi – illik 6 % müəyyən edilmişdir;
4. kredit üzrə aylıq ödəniş məbləğinin borcalanın (borcalanların) aylıq məcmu gəlirinə nisbəti - 70% müəyyən edilmişdir;
5. kreditin məbləği kreditin verildiyi tarixə ipoteka ilə yüklü edilən daşınmaz əmlakın bazar qiymətinin 85%-dən çox olmamalıdır;
   İpoteka krediti üzrə öhdəliyin icrasına İpoteka Kreditlərinin Zəmanət Fondu tərəfindən zəmanət verildiyi təqdirdə (ən azı kredit məbləğinin 20%-i həcmində), kreditin məbləği ipoteka ilə yüklü edilən daşınmaz əmlakın bazar qiymətinin 100%-ni təşkil edə bilər;
6. Borcalanın həyatı və əmək qabiliyyətini sığortalaması tələbi ləğv edilmişdir;
7. ipoteka krediti hesabına alınmış yaşayış sahəsinə dair artıq mülkiyyət hüququnu təsdiq edən sənəd deyil, ipoteka krediti hesabına yaşayış sahəsinin alınmasını təsdiq edən sənədin İpoteka Fonduna təqdim edilməsi kifayətdir;
   Bu düzəliş yeni tikililərin ipoteka krediti vasitəsi ilə alınmasına xidmət edir. Bununla belə hansı sənədlərin məqbul olması barədə İpoteka Fondunun izahatına ehtiyac var. Eyni zamanda xüsusi vurğulamaq lazımdır ki, hər bir halda ipotekaya qoyulan daşınmaz əşyaya dair mütləq olaraq mülkiyyət hüququnu təsdiqləyən sənəd lazımdır;
8. İpoteka Fondu 60 gün ərzində ipoteka krediti üzrə borcalan borcu (əsas borc və faizlər) vaxtında və ya tam həcmdə ödəmədiyi təqdirdə banka bildiriş göndərərək kredit üzrə tələb hüququnun geri alınmasını tələb edə bilərdir. İndi həmin müddət 90 gün olmuşdur;
9. Fərmanla GÜZƏŞTLI ŞƏRTLƏRLƏ IPOTEKA KREDITININ VERILMƏSI QAYDALARI da təsbit olunmuşdur:

a. Güzəştli şərtlərdən istifadə hüqüquna malik olan sosial kateqoriyalar bunlardır:

- gənc ailənin üzvü olan aşağıdakı şəxslər:

a) şəhid ailəsinin üzvü (əri/arvadı, övladları);
b) Milli Qəhrəman (özü, əri/arvadı, övladları);
c) məcburi köçkün və ya ona bərabər tutulan şəxs;
d) üç ildən az olmayan müddətdə dövlət qulluqçusu işləyən şəxs;
e) elmlər namizədi və ya doktoru elmi dərəcəsi olan şəxs;
f) idman sahəsində xüsusi xidmətləri olan şəxslər (fəxri bədən tərbiyəsi və idman xadimi, ölkə miqyaslı yarışların qalibi (I yer), beynəlxalq miqyaslı yarışların mükafatçıları (I, II və III yerlər);

- üç ildən az olmayan müddətdə hərbi xidmətdə olmuş Azərbaycan Respublikası Müdafiə Nazirliyinin hərbi qulluqçuları (müddətli həqiqi hərbi xidmətdə olan hərbi qulluqçularından başqa).

b. kreditin maksimal məbləği – 35,000 manat müəyyən edilmişdir;
c. kreditin maksimal müddəti – 30 il müəyyən edilmişdir;
d. kredit üzrə maksimal faiz dərəcəsi – illik 4 % müəyyən edilmişdir;
e. İpoteka kreditləri üzrə güzəştlərdən istifadə etmək hüququ olan hər bir ailə (şəxs) bu güzəştlərdən yalnız bir dəfə istifadə edə bilər
f. Güzəştli ipoteka kreditləri dövlət büdcəsindən ayrılmış vəsaitlər hesabına verilir

1. Kredit almaq üçün tələb olunan sənədlərin siyahısı;
2. İpoteka kreditinin hesablanması üçün kalkulyator